തിരുമിറ്റക്കോട്
ഗ്രാമപഞ്ചായത്ത്

_{ചരിത്രം}

            കേരള  പിറവിക്ക്   മുന്‍പ് പഴയ  മദിരാശി   സംസ്ഥാനത്തിന്‍റെ  ഭാഗമായ  മലബാറില്‍ പെട്ട പ്രദേശമായിരുന്നു തിരുമിറ്റക്കോട്  ഗ്രാമപഞ്ചായത്ത്. പഴയ  പൊന്നാനി താലുക്കിലെ  തിരുമിറ്റക്കോട്  പെരിങ്കന്നുര്,ചാഴിയാറ്റിരി അംശങ്ങള്‍ ചേര്‍ന്നതാണ് ഇപ്പോള്‍ പട്ടാമ്പി താലുക്കിലെ തിരുമിറ്റക്കോട് 1 , തിരുമിറ്റക്കോട് 2 . വില്ലേജുകള്‍. ഒട്ടനവധി ക്ഷേത്രങ്ങളും മനകളും ഗ്രാമപഞ്ചായത്തിലെ ഭൂമി ദേവസ്വമായും , ബ്രഹ്മസ്വമായും കൈവശം വെച്ചിരുന്നു. ജന്മാവകാശമുളളവര്‍ കുറവായിരുന്നു . കുറെ അളുകള്‍ക്ക്  കാണാവകാശം , വെറുമ്പാട്ടാവകാശം ആയിരുന്നു. ഭൂപരിഷ്കരണ നിയമം വന്നതോടെ ആളുകള്‍ ഭുടമകളായി .

തെക്കന്‍ കാശി എന്നറിയപ്പെടുന്ന തിരുമിറ്റക്കോട്  അഞ്ചുമൂര്‍ത്തി ക്ഷേത്രം ഉള്‍പ്പെടെ നിരവധി ക്ഷേത്രങ്ങളും പളളികളും നമ്മുടെ ഗ്രാമപഞ്ചായത്തിലുണ്ട്. 1905 ലെ സ്മാര്‍ത്ത  വിചാരത്തിലൂടെ കേരളത്തിന്‍റെ മനസാക്ഷിയുടെ മുന്നില്‍ ചോദ്യചിഹ്നം ഉയര്‍ത്തിയ  കുറിയെടത്ത് താത്രി  ജനിച്ചത്തും  വളര്‍ന്നതും ഈ  ഗ്രാമപഞ്ചായത്തിലാണ്. പണ്ട്  കാലത്ത്  വിചാരണ നടത്തി  തുക്കി കൊന്നിരുന്ന തുക്കാരം കുന്ന് ഈ  ഗ്രാമപഞ്ചായത്തിലുണ്ട്.

             തിരുമിറ്റക്കോട്  ഗ്രാമപഞ്ചായത്തിലെ ആദ്യ തെരഞ്ഞടുപ്പ് നടന്നത്ത് 1963ലാണ്. ആദ്യ പ്രസിഡണ്ട് പി.വി കുഞ്ഞുണ്ണിനായരും ,  തുടര്‍ന്ന് എം.വി  രാവുണ്ണിനായരും  സേവനമനുഷ്ടിച്ചു.  1979 ല്‍ നടന്ന     തെരഞ്ഞടുപ്പില്‍    കെ.നാരായണന്‍     നമ്പുതിരി മാസ്റ്ററും ,   പിന്നീട്   കെ.ജി നീലകണ്ഠനും പഞ്ചായത്തിലെ  പ്രസിഡണ്ടായി  1995 വരെ സേവനം അനുഷ്ഠിച്ചു. 1995ലെ തെരഞ്ഞടുപ്പില്‍     ടി.എ പ്രസാദും 2000 ത്തിലെ തെരഞ്ഞടുപ്പില്‍ ശ്രീമതി    എം. കെ വിജയയും ,     2005 ലെ തെരഞ്ഞെടുപ്പില്‍ കെ.എന്‍ പത്മനാഭനും .      2010 ലെ    തെരഞ്ഞെടുപ്പില്‍      പി. റഷീദയും    ഗ്രാമപഞ്ചായത്തിലെ  പ്രസിഡണ്ടായി  . 2015 ല്‍ നിലവില്‍ വന്ന ഭരണസമിതിയുടെ  പ്രസിഡണ്ടായി    അഡ്വ ടി.എ പ്രസാദ്  , കെ.ഉണ്ണികൃഷ്ണന്‍ എന്നിവര്‍ പ്രസിഡണ്ടുമാരായിരുന്നു.  2020-25 കാലയളവില്‍ ടി.സുഹറ എന്നവര്‍ പ്രസിഡണ്ടും സി.എം.മനോമോഹനന്‍ പ്രസിഡണ്ടുമായി ഭരണസമിതികാലാവധി പൂര്‍ത്തീകരിച്ചു. നിലവില്‍ 2025-30 വര്‍ഷത്തേക്കുള്ള പുതിയ ഭരണസമിതി നിലവില്‍ വരുകയും കെ.പി.വിബിലേഷ് പ്രസിഡണ്ടും ശ്രീമതി.കെ.കെ.ഷര്‍മ്മിള വൈസ് പ്രസിഡണ്ടുമായി ഗ്രാമപഞ്ചായത്തിന്‍റെ പ്രവര്‍ത്തനം മുന്നോട്ട് പോകുന്നു.